बेइजिङ – ग्रामीण पुनर्जागरणलाई आर्थिक विकाससँग जोड्दै चीनका ग्रामीण क्षेत्रहरूमा नयाँ–नयाँ कृषि व्यवसायहरू विस्तार भइरहेका छन्। यसैक्रममा पूर्वी चीनको जियाङ्सु प्रान्त अन्तर्गत पर्ने ह्वाइआन सिटी को वाङलियुआन गाउँले जलवनस्पति खेतीलाई आधुनिक व्यवसायमा रूपान्तरण गर्दै उल्लेखनीय सफलता हासिल गरेको छ।

उक्त गाउँले २० भन्दा बढी प्रजातिका उच्च गुणस्तरका जलवनस्पति उत्पादन गर्दै ‘पानीमुनीको हरियो वन’ (Underwater Forest) जस्तो आकर्षक कृषि प्रणाली विकास गरेको छ।

पछिल्ला वर्षहरूमा गाउँले उत्पादनलाई डिजिटल बजारसँग जोड्दै लाइभ–स्ट्रिमिङ बिक्री प्रणाली अपनाएको छ। यसमार्फत दैनिक करिब ३,००० गुच्छा, अर्थात् १ लाखभन्दा बढी जलवनस्पति बोटहरू बिक्री हुने गरेको स्थानीय स्रोतहरूले जनाएका छन्।

यस व्यवसायबाट गाउँको वार्षिक उत्पादन मूल्य करिब ३० लाख युआन पुगेको छ। साथै, यसले करिब ३० स्थानीय बासिन्दालाई रोजगारी दिँदै मासिक औसत ३,००० युआन आम्दानी सुनिश्चित गरेको छ।

विशेषज्ञहरूका अनुसार, यो मोडेलले परम्परागत कृषिलाई आधुनिक ई–कमर्ससँग जोड्दै ग्रामीण अर्थतन्त्र सुदृढ गर्ने नयाँ उदाहरण प्रस्तुत गरेको छ। ग्रामीण पुनर्जागरणको सफल अभ्यासका रूपमा यसलाई चीनभित्र मात्र होइन, अन्य विकासशील देशका लागि पनि प्रेरणादायी मानिएको छ।