ककनी, नुवाकोट – ककनी गाउँपालिकामा प्रमुख प्रशासकीय अधिकृतको पद करिब एक हप्ता रिक्त रहेपछि नयाँ प्रमुख प्रशासकीय अधिकृतका रूपमा खगेन्द्र पौडेल गाउँपालिकामा आइपुगेका थिए।
गाउँपालिकामा आइपुगेका पौडेललाई ककनी गाउँपालिकाका अध्यक्ष **सुमन तामाङ ‘सज्जन’ ले खादा, टीका तथा फूलमालासहित स्वागत गरेका थिए।
स्वागतका क्रममा अध्यक्ष तामाङ र प्रमुख प्रशासकीय अधिकृत पौडेलबीच गाउँपालिकाको प्रशासनिक सेवा, विकास निर्माण तथा आगामी कार्यसम्पादनका विषयमा छलफलसमेत भएको थियो।
यस अघि ककनी गाउँपालिकाको प्रमुख प्रशासकीय अधिकृतको जिम्मेवारी खम्बराज राईले सम्हाल्दै आएका थिए। राईको सरुवा भई गृह मन्त्रालयमा गएपछि ककनी गाउँपालिकामा प्रमुख प्रशासकीय अधिकृतको पद रिक्त भएको थियो। पद रिक्त भएको करिब एक सातापछि पौडेल नयाँ प्रमुख प्रशासकीय अधिकृतका रूपमा ककनी गाउँपालिकामा आएका थिए।
प्रमुख प्रशासकीय अधिकृत स्थानीय तहको प्रशासनिक सञ्चालन र सेवा प्रवाहका दृष्टिले महत्वपूर्ण पद मानिन्छ। गाउँपालिकाको दैनिक प्रशासनिक काम, कर्मचारी व्यवस्थापन,
योजना तथा कार्यक्रम कार्यान्वयन, बजेट कार्यान्वयन तथा सेवाग्राहीलाई प्रदान गरिने विभिन्न सेवामा प्रमुख प्रशासकीय अधिकृतको महत्वपूर्ण भूमिका रहने गर्दछ।
नयाँ प्रमुख प्रशासकीय अधिकृतको आगमनसँगै ककनी गाउँपालिकाको प्रशासनिक कामले थप गति पाउने अपेक्षा गरिएको छ।
विशेषगरी विकास निर्माणका योजना, सेवा प्रवाह, कर्मचारी व्यवस्थापन तथा गाउँपालिकाका नीति तथा कार्यक्रमलाई प्रभावकारी रूपमा कार्यान्वयन गर्न नयाँ प्रशासनिक नेतृत्वको भूमिका महत्वपूर्ण हुने देखिन्छ।
अध्यक्ष सुमन तामाङ ‘सज्जन’ले नयाँ प्रमुख प्रशासकीय अधिकृतसँगको सहकार्यमा गाउँपालिकाको समग्र विकास, सुशासन र जनमुखी सेवा प्रवाहलाई प्राथमिकतामा राखेर अघि बढ्ने बताएका थिए।
त्यस्तै, प्रमुख प्रशासकीय अधिकृत पौडेलको आगमनसँगै ककनी गाउँपालिकाको प्रशासनिक काम थप व्यवस्थित, पारदर्शी र प्रभावकारी बन्ने अपेक्षा गरिएको छ।
अब नयाँ प्रशासनिक नेतृत्वले जनप्रतिनिधि, कर्मचारी र स्थानीय नागरिकबीच प्रभावकारी समन्वय कायम गर्दै गाउँपालिकाका विकास योजना तथा जनतासँग प्रत्यक्ष जोडिएका सेवाहरूलाई कति प्रभावकारी रूपमा अघि बढाउँछ भन्ने विषयमा ककनीवासीको चासो रहेको छ।
ककनी मिडिया —