रेस्क्यु टिम: मिस्टर गुरुङको नेतृत्वमा अलपत्र नेपालीहरूको उद्धार अभियान
रेस्क्यु टिमका संचालक मिस्टर गुरुङ तथा थाफजिल व्यवसायी सेवा (Thafjeel Businessmen Service) का संचालक अभिषेक क्षेत्री सहित सम्पूर्ण उद्धार टोलीले विभिन्न देशमा अलपत्र परेका नेपालीहरूलाई स्वदेश फर्काउने तथा कानुनी समस्यामा फसेका नेपालीहरूको समस्या समाधान गर्दै नेपाल पठाउने अभियान सञ्चालन गरिरहेका छन्।
दर्जनौँ नेपाली उद्धारको अन्तिम तयारी
संचालक मिस्टर गुरुङले ककनी मिडियालाई जानकारी गराउँदै हाल दर्जनौँ नेपालीहरूको उद्धार अन्तिम चरणमा पुगेको बताउनुभएको छ। उहाँका अनुसार, कतिपय नेपालीहरू ठगीमा परी ठूला देशहरूको आश्वासनमा अन्यत्र लगिएका छन्, भने कतिपयलाई काम लगाइदिन्छु भन्दै विदेशी तथा नेपाली दलालहरूले ठगेका छन्। यस्तो अवस्थामा परेका नेपालीहरूले रेस्क्यु टिमलाई सम्पर्क गर्न आग्रह गरिएको छ।
युएईमा रोजगारी तथा भिजिट भिसामा गएका नेपालीहरूको बिचल्ली
नेपालबाट युएई रोजगारी तथा भिजिट भिसामा गएका धेरै नेपालीहरू काम खोज्ने क्रममा अलपत्र परेका छन्। यस्ता नेपालीहरूलाई विदेशी मात्र नभई आफ्नै नेपालीहरूले समेत ठग्ने गरेका छन्। कतिपय नेपालीलाई काम लगाएर पारिश्रमिक नदिने, बस्ने व्यवस्था नगर्ने, तथा कानुनी रूपमा कमजोर बनाइदिने घटनाहरू बढ्दो क्रममा छन्।
यसरी बिचल्लीमा परेका पीडित नेपालीहरूको उद्धार गर्दै आएका मिस्टर गुरुङ स्वतन्त्र राष्ट्रिय खेलाडी महासंघका संस्थापक सदस्यहरू मध्येका एक हुनुहुन्छ। पाँच वर्षअघि संस्थामा आबद्ध भएका मिस्टर गुरुङ तथा उहाँको टिमले दर्जनौँ नेपालीहरूको उद्धार गरिसकेको छ।
स्वतन्त्र वैदेशिक उद्धार श्रमिक सङ्गको यूएई प्रतिनिधित्व
स्वतन्त्र वैदेशिक उद्धार श्रमिक सङ्ग (Independent Foreign Workers Rescue Association) को युएई प्रतिनिधित्व पनि रहेको छ, जसले उद्धार कार्यलाई अझ व्यवस्थित र प्रभावकारी बनाउने कार्य गरिरहेको छ।
ठगी गर्ने गिरोहलाई कानुनी कारबाहीको चेतावनी
विदेश पठाउने नाममा ठगी गर्ने तथा नेपालीलाई अलपत्र पार्ने गिरोहहरूलाई कानुनी कारबाहीको दायरामा ल्याउने अभियानलाई रेस्क्यु टिमले तीव्रता दिएको छ। मिस्टर गुरुङले नेपालीहरूलाई सचेत रहन र प्रलोभनमा नपर्न आग्रह गर्नुभएको छ।
नेपाली उद्धार टोलीका सम्पर्क व्यक्तिहरू
यो उद्धार अभियानलाई सफल बनाउन रेस्क्यु टिमका सदस्यहरू सक्रिय रूपमा खटिरहेका छन्:
✅ सुदेश पान्डे
✅ बिकास चोउलागाई
✅ अमृत श्रेष्ठ
✅ जसु श्रेष्ठ
✅ आसिका तामाङ
✅ विक्रम लिम्बु
✅ सचिन बिक
नेपाल सरकार तथा सम्बन्धित निकायहरूसँग समन्वय गरी थाफजिल व्यवसायी सेवा र रेस्क्यु टिमले नेपालीहरूको सुरक्षाका लागि निरन्तर काम गरिरहेको छ। विदेशमा कुनै पनि समस्या परेमा तुरुन्तै आधिकारिक उद्धार टोलीहरूसँग सम्पर्क गर्न अनुरोध गरिन्छ।
