काठमाडौं – नेपाल प्रिमियर लिग (एनपीएल) को तेस्रो संस्करणअन्तर्गत आज पोखरा एभेन्जर्स र सुदूरपश्चिम रोयल्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा भएको टसमा सुदूरपश्चिमले टस जित्दै पोखरालाई पहिले ब्याटिङको निम्तो दिएको छ।
जारी प्रतियोगितामा पोखरा एभेन्जर्सले आज पहिलो खेल खेल्दैछ। पहिलो खेलमा लुम्बिनी लायन्ससँग ७ विकेटले पराजित भएको सुदूरपश्चिम रोयल्स भने पहिलो जितको खोजीमा मैदानमा उत्रिएको छ।
अघिल्लो संस्करणमा ६ अंकसहित पाँचौँ स्थानमा रहेको पोखरा यसपटक जितसहित प्रतियोगिताको सुरुवात गर्न चाहन्छ। यता, एनपीएलका अघिल्ला दुवै संस्करणमा उपविजेता बनेको सुदूरपश्चिम यसपटक उपाधि जित्ने लक्ष्यमा छ।
नेपाल क्रिकेट संघ (क्यान) को आयोजनामा कात्तिक ९ गतेदेखि सुरु भएको प्रतियोगितामा आठ टोली उपाधिका लागि प्रतिस्पर्धा गरिरहेका छन्।
तपाईंको विचारमा आजको खेल कसले जित्ला—पोखरा एभेन्जर्स कि सुदूरपश्चिम रोयल्स? आफ्नो अनुमान कमेन्टमा लेख्नुहोस्। 🏏
